Almatyda saqtandyrý naryǵynyń qarjylyq qorytyndysy men damý keleshegi talqylanady
ALMATY. 30 qańtar. QazAqparat /Erlik Erjanuly/ - Almatyda erteń, 31 qańtarda «Qazaqstandaǵy saqtandyrý naryǵy: 2011 jyldyń qorytyndysy, naryqtyń 2012 jylǵy damý keleshegi» dep atalatyn dóńgelek ústel jıyny bolady.
Ony «Saqtandyrý naryǵy» jýrnaly uıymdastyryp otyr. Talqylaýǵa saqtandyrý kompanııalary men zertteý agenttikteriniń top menedjerleri, Qazaqstan qarjygerleri qaýymdastyǵy men Ulttyq banktiń ókilderi shaqyrylyp otyr. Dóńgelek ústelde tómendegi taqyryptar boıynsha áńgime órbimek: «Qazaqstandaǵy saqtandyrý naryǵy: 2011 jyldyń qarjylyq qorytyndysy. 2011 jylǵy trendterge taldaý», «Qazaqstandaǵy saqtandyrý kompanııalarynyń saıttaryna renkıng», «Saqtandyrý kompanııalarynyń medıabelsendiligi, «Medıa-sıstem agenttiginiń zertteýleri: 2009-201 jyldardaǵy medıabelsendilikke kontent-taldaý; saqtandyrý máselesindegi BAQ-tyń belsendiligi, 2009-2011 jyldardaǵy kóshbasshylar reıtıngi», «2012 jylǵy saqtandyrý naryǵynyń damý keleshegi».
