Almatyda Saın kóshesin uzartý jumystary bıyl aıaqtalady
ALMATY. QazAqparat – Almatydaǵy Saın kóshesin uzartý jumystaryn osy jyldyń sońynda aıaqtaý josparda bar. Bul jaıynda qala ákimi Erbolat Dosaev Alataý aýdany turǵyndarymen kezdesýde aıtty, dep habarlaıdy QazAqparat tilshisi.
«Saın kóshesiniń boıynda kólik qozǵalysyn 2023 jyldyń sońyna deıin ashý josparlanǵan. Móńke bı men Aqyn-Sara kósheleriniń qıylysyndaǵy jolaıryǵy boıynsha 2023 jyldyń sońyna deıin barlyq baǵyt boıynsha qozǵalys ashylady», - dep atap ótti Erbolat Dosaev.
Sonymen qatar ol Alataý aýdanynyń kósheleri jóndeletinin atap ótti. Osy maqsatta aýdan ákimdiginen 500 mln teńge bólindi.
«2023 jyldyń shildesinde uzyndyǵy 60 km 63 kósheni qamtıtyn 12 shaǵyn aýdanda ortasha jóndeý jumystary bastaldy. Búginde shaǵyn aýdan boıynsha jumystar júrgizilip jatyr», - dedi ol. Budan bólek, aýdanda 18 jerústi jaıaý júrginshiler ótkelinde kúrdeli jóndeý jumystary bastaldy. Jumys barysynda elektr jetegi bar kótergish mehanızmder men lıftterdi kúrdeli jóndeý, beınebaqylaý ornatý, arbamen jáne velosıpedpen túsý qondyrǵysyn ornatý josparlandy.
«5 jerasty jaıaý júrginshiler ótkeline jóndeý jumystary júrgizilip jatyr. Barlyq jumys osy jyldyń qyrkúıek aıynyń sońyna deıin aıaqtalady. Qarajat bólindi», - dedi Almaty ákimi.
