Almatyda «Saǵyndyrǵan ánder-aı» án keshi ótti
ALMATY. Qazannyń 1-i. QazAqparat /Ádilet Musahaev/ - Keshe Almatyda «Maıra» prodıýserlik ortalyǵynyń uıymdastyrýymen jáne «Qazaqstan» teleradıokorporatsııasynyń qoldaýymen «Saǵyndyrǵan ánder-aı» dástúrli án keshi ótti.
QR Eńbek sińirgen ártisi, «Qurmet» ordeniniń ıegeri, atalmysh prodıýserlik ortalyqtyń jetekshisi, ánshi Maıra Іlııasovanyń bastamasymen bul kesh osymen tórtinshi ret ótip otyr.
Kesh barysynda saǵynyshqa aınala bastaǵan halyq ánderi kóptep oryndaldy. Máselen, Aqan Seriniń «Mańmańger», «Shyrmaýyq» syndy ánderimen qatar «Tarbaǵataı taýlary», «ıApyr-aı» jáne taǵy basqa ánder kórermenderge tanystyryldy.
Bul án keshiniń ereksheligi - sahnamyzda burynnan óner kórsetip kele jatqan ánshilerdiń jas talanttarmen qosylyp án shyrqaýy boldy.
