Almatyda Saǵadat Nurmaǵambetovtiń júldesi úshin bokstan týrnır bastaldy
ASTANA. QazAqparat - Bıyl 10-15 mamyrda Almaty qalasynda TsSKA oqý-jattyǵý ortalyǵynyń bazasynda qoǵam jáne memleket qaıratkeri, Halyq Qaharmany, QR tuńǵysh Qorǵanys mınıstri, armııa generaly Saǵadat Nurmaǵambetovti eske alý qurmetine arnalǵan bokstan dástúrli týrnır ótedi, dep habarlaıdy QR Qorǵanys mınıstrliginiń baspasóz qyzmeti.
«Jyl saıyn týrnırge shetelderden 180-nen astam sportshy qatysyp keledi. Sondaı-aq, otandyq boks mektepteriniń ókilderimen qatar, Armenııa, Iran, Qyrǵyzstan, Mońǵolııa, Reseı, Tájikstan, Ózbekstan elderiniń boksshylary qatysady. Qazirgi tańda uıymdastyrý jumystaryn júrgizip jatyrmyz. Jeńimpazdar men júldegerler baǵaly syılyqtarmen marapattalady», - dep atap ótti QR QM Ortalyq sport klýbynyń tóraǵasy polkovnık Rasýl Meıirmanov.
