Almatyda Saǵadat Nurmaǵambetovtiń júldesi úshin bokstan dástúrli halyqaralyq týrnır bastaldy
ALMATY. 25 mamyr. QazAqparat - Búgin Almatydaǵy «Dostyq» sport kesheninde bokstan Keńes Odaǵynyń Batyry, Halyq qaharmany, QR Tuńǵysh Qorǵanys mınıstri, armııa generaly Saǵadat Nurmaǵambetovtyń júldesi úshin HVII halyqaralyq týrnırdiń jalaýy kóterildi.
Dástúrli túrde jyl saıyn ótetin bul dúbirli doda 5 kúnge sozylmaq. Oǵan Qazaqstannyń túkpir-túkpirinen jáne Bırma, Grýzııa, Katar, Qyrǵyzstan, Qytaı, Mońǵolııa, Reseı, Sırııa, Tájikstan, Túrikmenstan jáne Ýkraına elderinen 120-ǵa jýyq bylǵary qolǵap sheberleri qatysýda.
«Bul jarysqa qazaqstandyqtar ár óńirden jáne Armııashylardyń ortalyq sport klýbynan jeke-jeke komandalar bolyp qatysýda. Sportshylardyń arasynda el chempıondary men Álem chempıonatynyń júldegerleri bar. Oǵan Asqar Abdýllaev, Dáýren Eleýsinov, Meıirim Nursultanov pen áskerıler arasyndaǵy Álem chemponatynyń kúmis júldegeri Berik Ábdirahmanovty mysalǵa kelitrýge bolady», - deıdi Bas tóreshi, Halyqaralyq áýesqoı boks qaýymdastyǵynyń (AІVA) halyqararyq dárejedegi tóreshisi Nurbek Batyrov.
