Almatyda Safar Shákeevti jerleý rásimi 29 shildede ótedi
ALMATY. QazAqparat - Almatyda Safar Shákeevti jerleý rásimi erteń - 29 shilde kúni ótedi. Bul týraly óziniń Feısbýk áleýmettik jelisindegi jeke paraqshasynda Shákeevtar otbasynyń dosy Vıktorııa Momynbaeva habarlady.
«Aza tuta otyryp habarlaımyz, Safar Shákeevti jerleý rásimi erteń - 29 shilde kúni tańerteńgi saǵat 09:30-dan 11:00 aralyǵynda «Qazaqkontsert» zalynda bolady. Mekenjaıy: Abylaı han dańǵyly 83, Áıteke bı kóshesiniń qıylysy», - dep jazdy V. Momynbaeva.
Aıta ketelik, búgin belgili qazaqstandyq kompozıtor Erkesh Shákeevtiń 25 jastaǵy uly Safar Shákeevtiń óli denesi saǵat 11.00 shamasynda Almatydaǵy Esentaı ózeninde, Tımırıazev pen Buhar jyraý kósheleriniń aralyǵynan tabyldy.
Ol Almatyda 16 shilde kúni iz-tússiz joǵalyp ketken bolatyn.
Sodan beri qalada jan-jaqty izdeý sharalary júrgizildi. Oǵan 170-ten astam adam qatysty.
Olardyń arasynda Almaty qalalyq Іshki ister departamentiniń, Tótenshe jaǵdaılar departamentiniń, Respýblıkalyq jedel-qutqarý jasaǵynyń qyzmetkerleri, belgili qoǵam qaıratkerleri, eriktiler jáne qarapaıym qala turǵyndary qatysty.
