Almatyda Safar Shákeevti izdestirýge TJD qyzmetkerleri de jumyldyryldy
ALMATY. QazAqparat-Almatyda qazaqstandyq belgili kompozıtor Erkesh Shákeevtiń uly Safar Shákeevti izdestirýge Almaty qalalyq Tótenshe jaǵdaılar jónindegi Departamentiniń qyzmetkerleri de jumyldyryldy. Bul týraly «QazAqparat» tilshisine Almaty qalalyq Qoǵamdyq keńesiniń múshesi Beknur Qısyqov habarlady. Onyń ózi de izdeý sharalaryna belsene aralasýda.
«Qazir, izdeý sharasyna tótenshelikter de kelip qosyldy. Sondaı-aq, polıtsııa qyzmetkerleri men volonterlar da bizge kómektesip jatyr», - dedi ol.
Buǵan deıin ol izdeý sharasy ál-Farabı dańǵylynyń joǵary jaǵynda, Esentaı ózeni aýmaǵynda júrgizilgendigin aıtqan bolatyn.
Sońǵy málimetter boıynsha izdestirý jumystaryna jalpy 110 polıtsııa qyzmetkeri men 60 volonter jumyldyrylǵan. Endi mine, olarǵa tótenshelikter de kelip qosyldy.
