Almatyda sábı jatqan besikarbany qaǵyp, qashyp ketken moped júrgizýshisi ustaldy
ALMATY. QazAqparat - Almatyda kishkentaı bala jatqan besikarbany qaǵyp, oqıǵa ornynan qashyp ketken moped mingen kýrer ustaldy, dep habarlaıdy QazAqparat tilshisi.
Polıtsııa departamentiniń baspasóz qyzmeti moped júrgizýshisi 1983 jyly týǵan Almaty qalasynyń turǵyny ekenin habarlady.
«Polıtsııa qyzmetkerleri moped júrgizýshisin anyqtap, ony ustady. Er adam jazalanýdan qorqyp, apat ornynan qashyp ketken. Osyǵan baılanysty mynany aıtqym keledi. Búgingi tańda jańa tehnologııalardyń kómegimen qylmyskerdi de, zańbuzýshyny da tez anyqtaýǵa bolady. Ustalǵan adam Almaly aýdanynyń polıtsııa basqarmasyna jetkizildi», - deıdi Almaty qalalyq PD jergilikti polıtsııa basqarmasynyń bastyǵy Manap Sattarov.
Eske salaıyq, jol apaty 16 naýryz kúni túski saǵat 13:20-da boldy. Moped júrgizýshisi Tóle bı kóshesimen shyǵys baǵytta kele jatyp, Brýsılovskıı kóshesinde ishinde úsh aılyq bala jatqan besikarbaǵa soǵylǵan.
