Almatyda S. Muqanov atyndaǵy gúl baǵy qalpyna keltirildi (FOTO)
Jańartylǵan gúl baǵynyń ashylý rásimine Qazaqstan halqy Assambleıasy, qalalyq etnomádenı birlestikterdiń, Almaty qalasy ákimdiginiń ókilderi jáne jastar qatysty. Jıyn barysynda S. Muqanovtyń urpaqtary búgingi jınalǵan qaýymǵa, Almaty ákimdigine jazýshynyń rýhyna taǵzym etip, qurmet kórsetkenderi úshin rızashylyqtaryn bildirdi.
Aıta ketelik, shaǵyn baqta shóp qabaty jańartylyp, jańa aǵash kóshetteri otyrǵyzylǵan. Balalar alańqaıy da jańartylǵan.
«Bizde «Almaty-2020» qalalyq baǵdarlama bar. Qala turǵyndarynyń ómir súrýine barynsha qolaıly jaǵdaı jasaý - sol baǵdarlamanyń basymdy baǵyttarynyń biri. Halyqaralyq tájirıbege súıensek, qalalyqtar úshin eń qoljetimdi oryndar - saıabaqtar men gúl baqtary. Biz qazir bıznes pen qala turǵyndarynyń qoldaýymen kógaldandyrý jumystaryn júrgizip jatyrmyz.
Qazaqstandaǵy respýblıkalyq ázirbaıjan etno-mádenı qaýymdastyǵy men birqatar kompanııalar bul gúl baǵyn jańartýǵa 100 mln.-ǵa jýyq teńge jumsady.
90-ǵa jýyq aǵash kóshetteri otyrǵyzylyp, sýarý júıesi jańartyldy. Bul úshin Qazaqstan halqy Assambleıasyna jáne kompanııa basshylaryna rızashylyǵymdy bildiremin», - dedi B. Baıbek.
Aıta ketelik, Sábıt Muqanov atyndaǵy gúl baǵy tuńǵysh ret 2000 jyly jazýshynyń 100 jyldyǵy qurmetine arnalyp ashylǵan bolatyn.
