Almatyda «S-Group» qarjy pıramıdasyn uıymdastyrýshylar ustaldy
«QMA Almaty qalasy boıynsha departamenti qarjy pıramıdasyn quryp, ony basqardy degen kúdikpen «Sincere System Group» (S-Group) kompanııasynyń ókilderine qatysty sotqa deıingi tergeýdi bastady.
Departament qyzmetkerleri belsendi azamattardyń qatysýymen kompanııa qyzmetin erte kezeńde toqtatyp, bul aldanǵan ınvestorlardyń sanyn azaıtýǵa múmkindik berdi.
S-Group kompanııasynyń ókilderi salymshylarǵa aıyna 6-dan 8 paıyzǵa deıin nemese jylyna 70 paıyzdan astam joǵary kiristilikke ýáde bergen.
Depozıttiń eń tómengi somasy 100 dollardy qurady. Sondaı-aq ózge salymshylardy tartqan jaǵdaıda somanyń 5 paıyzy kóleminde kepildendirilgen kiris qarastyrylǵan.
Bul rette klıentterge aqshany qabyldaý faktisin rastaıtyn qujattar men kelisimder usynylmaǵan, salym somasy jeke kabınette tsıfrlyq túrde kórsetilip, salynǵan qarajatty alý múmkindigi bolmaǵan. Qazirgi ýaqytta sotqa deıingi tergeý amaldary júrgizilýde. Kúdiktige qatysty «qamaýǵa alý» túrindegi bultartpaý sharasy sanktsııalandy», - delingen habarlamada.
Qarjylyq monıtorıng agenttigi «S-Group» kompanııasynyń qyzmetinen zardap shekkenderdi Almaty qalasy boıynsha Ekonomıkalyq tergeý departamentine nemese QMA call-ortalyǵyna habarlasýdy suraıdy.
