Almatyda Rysqulov dańǵyly jabylady
ALMATY. QazAqparat - Almatyda Rysqulov dańǵylynyń bir bóligi ýaqytsha jabylady, dep habarlaıdy QazAqparat tilshisi.
«Rysqulov dańǵyly boıyndaǵy (Rysqulov dańǵylynyń boıy - Aısha Bıbi kóshesinen Qulja tas jolyna deıin) jol tósemin aýystyrýǵa baılanysty 17 mamyr kúni keshki saǵat 20:00-den 18 mamyrdyń saǵat 06: 00-ge deıingi aralyǵynda joldyń ishinara bóligi jabyq bolady»,-dep habarlady Almaty qalalyq Mobıldilik basqarmasy.
Buǵan deıin, Shókın kóshesiniń bir bóligi tórt aıǵa jabylatyny týraly jazǵan bolatynbyz.
«Almaty jylý júıesi» kásipornynyń málimetinshe, 24 mamyrdan 20 qyrkúıekke deıin Shapyq Shókın kóshesiniń boıynda Qarasaı batyr kóshesinen Raıymbek dańǵylyna deıin avtokólik qozǵalysy toqtatylady.
