Almatyda «Rýsskaıa Premııa» halyqaralyq ádebıet baıqaýy nomınanttarynyń qatysýymen shyǵarmashylyq kesh bolyp ótti

QR Tuńǵysh Prezıdenti qory janyndaǵy  álemdik ekonomıka jáne saıasat ınstıtýtynyń uıymdastyrýymen jáne Eltsın ortalyǵynyń qoldaýymen ótken keshke ádebıet salasyndaǵy basty marapatqa úmitker, baıqaýdyń «long-lıstine» kirip úlgergen qazaqstandyq jas jazýshylar  Ilıa Odegov pen Zaır Asım qatysty.

 Esterińizge sala keteıik, «Rýsskaıa Premııa» syılyǵy laýreattaryn marapattaý saltanatty rásimi 24 sáýir kúni Máskeýde ótedi. Bul «Rýsskaıa Premııa» syılyǵy - reseılik ádebıet syılyqtarynyń eń beldi bestigine kiredi. Bizdiń otandasymyz prozashy Ilıa Odegov «shaǵyn proza» atalymyndaǵy syılyqqa úmitti. Ol halyqaralyq ádebıet baıqaýyna «Kez kelgen mahabbat» jáne «Pýrýsha» atty shyǵarmalaryn usyndy. Al, Zaır Asım «Únsizdik tilimen» óleńder jınaǵymen «poezııa» sanatyndaǵy atalymǵa úmitker. Syılyqqa úmitkerler qatarynda 15 eldiń - Avstrııa, Belarýs, Ulybrıtanııa, Germanııa, Izraıl, Qazaqstan, Kanada, Lıtva, Mozambık, Moldova, AQSh, Ózbekstan, Ýkraına, Frantsııa jáne Estonııa elderiniń  orystildi jazýshy, aqyndary bar.  Atalmysh baıqaýdyń resmı seriktesi  - B.N.Eltsın atyndaǵy Prezıdenttik ortalyq bolyp tabylady.

Keshke kitap súıer qaýym, aqyn, jazýshylar, jastar, shyǵarmashyl zııaly qaýym qatysty. Kesh barysynda  Ilıa Odegov pen Zaır Asım ózderiniń shyǵarmashylyǵymen bólisip, aqyndyq, jazýshylyq jolǵa qalaı kelgendigin baıandady. Jas talantty jazýshylar sondaı-aq, kesh qonaqtarynyń suraqtaryna jaýap berip, baıqaý jónindegi oılarymen bólisti.