Almatyda ruqsat etilgen mıtıng ótti
ALMATY. QazAqparat – Almatyda Shoqan Ýálıhanovtyń eskertkishi aldynda ruqsat etilgen mıtıng ótti, dep habarlaıdy QazAqparat.
Atalǵan aktsııany uıymdastyrýdyń basty sebebi reseılik «Sberbankpen» tsıfrlyq platforma qurý týraly kelisim bolyp otyr.
Almaty qalasynyń ákimdigi kelisilgen mıtıngtiń ótýi úshin barlyq jaǵdaılardy jasady. Atap aıtqanda, medıtsınalyq maskalar taratylyp, aktsııa ótken aımaqta jedel járdem brıgadasy kezekshilikte boldy.
Mıtıng kezinde eshqandaı oqys oqıǵa bolǵan joq. Aktsııa qala halqynyń qyzyǵýshylyǵyn týdyrmady jáne sharaǵa óte az adam qatysty.
