Almatyda ruqsat berý júıesin ońtaılandyrý máselesine arnalǵan jıyn bolady
ALMATY. 12 qarasha. QazAqparat /Erlik Erjanuly/ - Almatyda 15 qarashada "Aımaqtyq deńgeıde ruqsat berý júıesin ońtaılandyrý máselesi jónindegi zertteý qorytyndysy jáne QR Baqylaý-qadaǵalaý júıesin jetildirý" dep atalatyn dóńgelek ústel jıyny ótedi.
Ony qalalyq ákimdiktiń qoldaýmen QR Ekonomıkalyq damý jáne saýda mınıstrligi, "Ekonomıkalyq zertteýler ınstıtýty" AQ men Qazaqstan kásipkerler forýmy birlesip uıymdastyryp otyr. Bul alqaly jıynnyń basty maqsaty memlekettik organdardyń, úkimettik emes sektor ókilderin jáne salalyq qaýymdastyqtar men kásipkerlerdi aımaqtyq deńgeıdegi ruqsat berý rásimderin túgendeýdiń qorytyndysymen jáne qoldanystaǵy keıbir zańdarǵa engizilgeli otyrǵan ózgerister men tolyqtyrýlardyń jobalarymen tanystyrý. Sondaı-aq ruqsat berý qujattarynyń biryńǵaı ulttyq tizimin talqylaý bolyp otyr.
