Almatyda «Rýhanııat» jastar ádebı klýbynyń tusaýkeseri ótti
Bul «Rýhanı jańǵyrý» baǵdarlamasy aıasynda uıymdastyrylǵan shara Jastar jylyna arnaldy.
Klýbtyń ashylýyna arnaıy kelgen belgili aqyn, jazýshy Baıbota Qoshym-Noǵaı kitaphana ujymyna sáttilik tilep, «oqyrman jastar kóp bolsyn» degen izgi tilegin bildirdi.
Bul shararnyń basty maqsaty - tanymal jazýshylardyń murasy men shyǵarmalaryn nasıhattaý.
«Osyndaı klýbtardyń ashylýy qazirgi jastardy kitap oqýǵa yntalandyrady jáne qazaq ádebıetin damytýǵa óz septigin tıgizedi».- deıdi uıymdastyrýshylar.
Sonymen qatar, klýbtyń alǵashqy keıipkerleriniń biri belgili qazaqstandyq jazýshy, óziniń qaıtalanbas jazý stılimen tanylǵan «Daryn» memlekettik jastar jáne «Tarlan» syılyǵynyń laýreaty Dıdar Amantaı kitap oqýdyń basty sebepterin atap ótti.
«Qazirgi kezde kitap oqıtyn jastar azaıyp ketti, onyń da óz sebepteri bar. Alaıda bizge kitap ne úshin kerek?» - degen suraqqa jaýap berýimiz kerek. Ol adamnyn leksıkalyq qoryn baıytyp, óz oıyn erkin jetkizýge, este saqtaý qabiletin arttyrýǵa, el aldynda erkin sóıleýge mol áserin tıgizedi», - dedi Dıdar Amantaı.
Aıta ketý kerek, bul jastar klýby Almaty kitaphanalarynda alǵashqy bolyp ashyldy. Endi bul ortalyq keletin oqýshylar óz dúnıetanymdaryn kúndelikti arttyrýǵa, sondaı-aq jańa avtorlardyń shyǵarmashylyqtarymen tanysýǵa múmkindik alyp otyr.
Avtory: Elaman Turysbekov
