Almatyda Rozybaqıev kóshesi jabylady
ALMATY. QazAqparat - Almatyda jylý júıesin jóndeýge baılanysty Rozybaqıev kóshesindegi jol qozǵalysy ishinara shekteledi, dep habarlaıdy QazAqparat tilshisi.
«Almaty jylý júıesi» kásipornynyń málimetinshe, 26 mamyr men 25 maýsym aralyǵynda Rozybaqıev kóshesiniń boıyndaǵy Berezovskıı kóshesinen Hodjanov kóshesine deıingi qozǵalys jabyq bolady. 26 maýsym men 25 shilde aralyǵynda - Baıqadamov kóshesinen Berezovskıı kóshesine deıin avtkólik qozǵalysy toqtatylady.
«Ýaqytsha shekteýler osy kóshe segmentiniń júris bóliginiń astynda ótetin magıstraldyq qubyrdy josparly aýystyrýmen baılanysty. Jergilikti turǵyndarǵa qolaıly jaǵdaıdy saqtaý úshin úılerge ystyq sý ýaqytsha shema boıynsha beriletin bolady», - delingen habarlamada.
