Almatyda Roza Baǵlanovaǵa eskertkish qoıylady
ALMATY. QazAqparat – Almatyda Roza Baǵlanovaǵa eskertkish qoıylady, dep habarlaıdy QazAqparat tilshisi.
Almaty qalasy Mádenıet basqarmasynyń habarlaýynsha, Roza Tájibaıqyzy Baǵlanovanyń qurmetine eskertkish Qabanbaı batyr kóshesiniń ońtústik bóliginde, Baıseıitova kóshesiniń shyǵys jaǵynda ornatylady.
«12 naýryzǵa deıin Roza Tájibaıqyzy Baǵlanovaǵa arnalǵan eń jaqsy eskertkishtiń jobasyn jasaýǵa ashyq konkýrs jarııalandy. Qazirgi ýaqytta monýmentaldy ónerdiń qurý protsesi júrip jatqan soń, bıýdjet 2021 jyldyń ekinshi jartysynda qaralatyn bolady. Ázirge eskertkish salýǵa qansha qarajat jumsalary belgisiz», - dedi basqarmadan.
Roza Baǵlanova - keńestik, qazaqstandyq opera jáne estrada ánshisi. KSRO halyq ártisi. Qazaqstannyń halyq qaharmany.
