Almatyda Roza Álqojanyń alǵashqy shyǵarmashlyq keshi ótedi
ALMATY. Aqpannyń 12-si. QazAqparat /Erlik Erjanuly/ - Almatyda aqpannyń 14-i kúni ánshi, sazger Roza Álqojanyń "Myna ómir ǵajap qandaı" dep atalatyn alǵashqy shyǵarmashylyq keshi ótedi,
dep habarlaıdy QazAqparat.
Ony Qazaqstan Jazýshylar odaǵy uıymdastyryp otyr. Kesh barysynda ánshiniń repertýaryndaǵy ánder men avtorlyq týyndylarynan qurastyrylǵan 2 kúıtabaqtan turatyn "Myna ómir ǵajap qandaı" dep atalatyn jańa albomynyń tusaýkeseri ótedi. «Men syıǵa tartqan oramal», «Saǵyndym seni», «Bul ómir ǵajap qandaı», «Ol kóktem oralmaıdy», «Arý qalam - Astanam» sııaqty shyǵarmalarymen án súıer qaýymnyń ystyq yqylasyna bólengen Roza Álqojanyń buǵan deıin «Men syıǵa tartqan oramal» dep atalatyn tuńǵysh án jınaǵy shyqqan bolatyn. Bul keshke Qaraǵandydan sazger Bolat Qalıev pen aqyn Erjan Otarov, Shymkentten Aqmaral Іleýbaeva, Qyzylordadan Nazgúl Berdiqoja, Almaty oblysynan Esenqul Jaqypbek qurmetti meıman retinde shaqyrylyp otyr.
