Almatyda Rotarı kúzgi baly bolyp ótti
ALMATY. Qarashanyń 16-sy. QazAqparat /Ádilet Musahaev/ - Almatyda Rotarı kúzgi qaıyrymdylyq baly bolyp ótti. Bul qaıyrymdylyq baly osymen onynshy ret bolyp otyr. Baldan túsken barlyq qarjy oqýshylar arasyndaǵy jol travmatızmniń aldyn alý maqsatymen ótkiziletin áleýmettik jobany júzege asyrý úshin jumsalady,
dep habarlaıdy QazAqparat.
Oqýshylardyń jol apattarynan zardap shegýi týraly statıstıka jan túrshigerlik. Qazaqstan Respýblıkasynyń ishki ister mınıstrliginiń jol polıtsııasy komıtetiniń málimetterine súıensek, 2008 jyly jol apatynan 199 bala qaza bolyp, 1 490 bala ártúrli jaraqat alǵan. Osy apat sebepteriniń ishindegi eń jıi oryn alatyny - balalardy joldan ótken kezinde basyp ketý bolyp tabylady. Mektepter kóbinese kóshelerdiń qılysynda ornalasady da, olarǵa qosylatyn kóshe qıylystarynyń barlyǵy birdeı qajetti quraldarmen jabdyqtalmaǵan, ıaǵnı jaıaý júrginshilerge arnalǵan baǵdarsham joq, jaıaý júrginshiler úshin jolaqtar jetkiliksiz mólsherde, joldy jaıaý júrginshiler jaǵynan bólip turatyn qorshaýlar joq.
Rotarı klýby jınalǵan qarjy esebinen mektepter janynda ornalasqan jaıaý júrginshiler ótetin joldyń qaýipsizdigin arttyrý úshin baǵyttalǵan áleýmettik jobany júzege asyrý úshin jumsaýǵa sheshim qabyldady. Bul jobany júzege asyrý aıasyna jaıaý júrginshilerge arnalǵan asfaltqa arnaıy salynatyn jol jolaqtaryn ornatý jumysy kiredi, olar kóliktiń tejeý jolyn qysqartyp, ashyq-aıqyn túsiniń arqasynda kóliktiń jyldamdyǵyna áser etedi. Bul isker kóshbasshylardyń bizdiń qalamyzdaǵy balalardyń ómirin saqtaý úshin qosqan úlesi bolyp tabylady», - deıdi Rotarı klýbynyń múshesi Marııa Kelber.
Jylda ótkiziletin Rotarı balynyńbaǵdarlamasy bıyl da asa baı boldy. Saltanattyń eń negizgi júrgizýshisi Vladımır Rerıh boldy. Sahnada ótken Gala-kontsertke de asa kórnekti shyǵarmalar tańdalyp, óte joǵarǵy deńgeıdegi oryndaýshylar qatysty. Mýzykalyq kórinisterdiń eń tamashasy akkordeonıst Denıs Bragınskıı boldy. Áıgili qazaqstandyq sángerler Maııa Qýandyqova men Balnur Asanovanyń sán kórsetilimderi de keshtiń kórkin qyzdyra tústi.
