Almatyda robot tehnıkasynan halyqaralyq jarys ótedi
ALMATY. QazAqparat – Almatyda 7-9 qańtar aralyǵynda robot tehnıkasynan halyqaralyq jarys ótedi, dep habarlaıdy QazAqparat tilshisi.
Uıymdastyrýshylardyń málimetinshe, baıqaýǵa bilim berý uıymdarynyń oqýshylary men kolledj stýdentteri qatysady.
Jarys VEX EDR, VEX IQ, Birinshi lıga LEGO (FLL), MAKEX, Dúnıejúzilik drondar olımpıadasy, Úlken saıahat, RoboSÝMO sanattary boıynsha ótkiziledi.
Almatydaǵy Oqýshylar saraıynda ótetin baıqaýǵa elimizdiń 16 oblysynan jáne Bishkek, Dýshanbe,Tashkent qalalarynan 266-dan astam komanda qatysady.
