Almatyda «Rızashylyq» qaıyrymdylyq merekesi ótip jatyr

ALMATY. Qarashanyń 26-y. QazAqparat /Erbol Azanbek/ - Búgin Almatyda «Bóbek» qorynyń bastamasymen balalar úıleri tárbıelenýshilerine arnalǵan «Rızashylyq» qaıyrymdylyq merekesi ótip jatyr,

   dep habarlaıdy QazAqparat.

        Sharany uıymdastyrýshylardyń aıtýynsha, bul mereke elimizde tuńǵysh ret ótkizilýde, onyń eń basty mindeti - jetim balalarǵa otbasylyq jyly kóńil-kúı syılaý. Tańerteń bastalǵan  merekede árbir balalar úıine «Bóbek» qory atynan úı kınoteatry syılanǵan. Budan basqa, balalar úıleriniń barlyq tárbıelenýshilerine elimizdiń birinshi hanymy Sara  Nazarbaevanyń quttyqtaý batasy men tilek sózderi bar ashyq hat tapsyrylǵan.

        Sonymen qatar, balalar kóńildi oıyndar oınap, karaokemen óleńder aıtýdan jarys uıymdastyrylyp, tanymdyq fılmder, mýltfılmder kórsetiledi. Shara keshke «Rızamyz búginge, rızamyz qazirge!» atty merekelik kontsertpen aıaqtalady.