Almatyda «Rıksos» qonaqúıi mańyndaǵy turǵyn úı otqa oranyp, turaqtaǵy 4 kólik kúlge aınaldy

Buǵan deıin habarlanǵandaı, Almatyda jaǵarmaı tasıtyn kólik jaryldy. Al, jalyn jaqyn mańdaǵy 8 qabatty úıge de jetti.

Aldyn ala boljam boıynsha, jaǵarmaı tasıtyn kólik kóshede qańtarylǵan temir tulparlarǵa soǵylǵan, keıin aýdarylyp, aryqqa qulap ketti. Jaǵarmaı jerge tógilip, saldarynan órt shyqqan. Jalyn aldymen ǵımarattyń birinshi qabatyndaǵy sporttyq taýarlar dúkenin sharpyǵan, keıin joǵary qabattarǵa da jetti. Atalmysh aýdandy tártip saqshylary qorshaýǵa aldy. Jedel járdem qyzmeti jumys isteýde. Jergilikti turǵyndar qaýipsiz jerge shyǵarylýda.

Kýágerlerdiń aıtýynsha, kósheniń qarsy baǵytynda jalynnyń ystyq lebi sezilgen. Qazir órt sóndirildi. Ázirge japa shekkender týraly esh málimet joq.