Almatyda rejısser Slambek Táýekeldiń "Jeruıyq" dramasynyń kórsetilimi boldy

Atalmysh fılm Táýelsizdigimizdiń 20 jyldyǵyna oraı arnaıy tapsyryspen túsirilgen. Fılmniń stsenarıı avtory Slambek Táýekel men Lavrentıı Son. Týyndy Sh. Aımanov atyndaǵy «Qazaqfılm» AQ-nyń shyǵarylymy.

Fılmde Qazaqstan halyqtarynyń dostyǵy sıpattalady, ótken ǵasyrdyń 30-jyldarynan soń oryn alǵan jut kezindegi eldiń jaǵdaıy sýretteledi.

Fılm rejısseriniń aıtýynsha, "bul fılm - qazaqstandyq kárister, túrikter, sheshender, kúrdter jáne ózge ult ókilderiniń qıyn-qystaý kezeńde, ózderiniń qaıǵy-qasiretterine qaramastan, qushaq jaıa qarsy alǵan qazaq halqyna degen alǵysy" retinde túsirilgen.

Fılmdegi basty keıipker - Orynbaı aqsaqaldyń beınesin san alýan harakterli obrazdary arqyly tanymaldylyqqa ıe bolǵan Qazaqstannyń eńbek sińirgen qaıratkeri, «Qurmet» ordeniniń ıegeri, teatr jáne kıno akteri Bolat Ábdilmanov somdady. Fılmge sonymen qatar, Nazgúl Qarabalına, Sergeı Petrov, Erjan Nurymbet, ıAkov Lomega, Baǵlan Ábdraıymov, Nurqanat Jaqypbaı, Edýard Pak, Tamara Qosýbaeva, Altynaı Nógerbek, Tilektes Meıramov, Tatıana Tsoı, Mentaı Ótepbergenov, Alekseı Shemes syndy akterler túsken.

"Jeruıyq" dramasy 2 maýsymnan bastap elimizdiń kınoteatrlarynda kórsetiletin bolady.