Almatyda reıtıngtik agenttikter týraly halyqaralyq dóńgelek ústel jıyny ótýde
ALMATY. 27 sáýir. QazAqparat /Erlik Erjanuly/ - Almatyda «Qazaqstannyń ekonomıkalyq transformatsııasy jáne reıtıngtik agentterdiń baǵasy» dep atalatyn halyqaralyq dóńgelek ústel májilisi ótip jatyr.
Sharany QR Prezıdenti janyndaǵy Álemdik ekonomıka jáne saıasat ınstıtýty uıymdastyryp otyr. Instıtýt dırektory Sultan Ákimbekovtyn aıtýynsha, alqaly jıyn «Halyqaralyq jáne Qazaqstannyń reıtıng agenttikteri. Dárejeleýdiń ádistemelik negizderi jáne kórsetkishteri», «Qazaqstan ekonomınasynyń trasformatsııasy. Ulttyq ekonomıkanyń básekelestikke qabilettiginiń ıntegraldyq baǵalary» degen sessııa boıynsha ótip jatyr. Oǵan memlekettik organdarynyń, reıtıng agenttikteri men halyqaralyq uıymdardyń ókilderi jáne sarapshylar qatysýda.
«Búgingi sharanyń basty maqsaty máseleni talqylaı otyryp, odan qorytyndy shyǵarý. Sheshim qabyldaıtyn quzyrly organdarǵa naqty usynystar jasaý. Óıtkeni eldiń strategııalyq damýy úshin reıtıng agenttikteriniń baǵalaýy mańyzdy ról atqarady», - deıdi Sultan Ákimbekov.
