Almatyda reıderlikpen aınalysqan qylmystyq top músheleri ustaldy

NUR-SULTAN. QazAqparat – Almatyda belgili kásipkerlik qurylymdarǵa qatysty uzaq ýaqyt boıy reıderlik jasap kelgen bir top tulǵalardyń áreketiniń joly kesildi.

Bul týraly QazAqparat Qarjylyq monıtorıng agenttiginiń baspasóz qyzmetine silteme jasap habarlaıdy.

Baspasóz málimetterine qaraǵanda, qylmystyq top Almaty qalasy boıynsha ekonomıkalyq tergep-tekserý departamenti óklderiniń jedel-izdestirý is-sharalaryn júrgizý barysynda qolǵa túsken.

Qylmyskerler zorlyq-zombylyq, qoqan-loqqy, bopsalaý arqyly elimizdegi belgili kásipkerlerdi óz múlkin tegin berýge májbúrlegen.

Búgingi tańda Departamentte Almaty qalasy men Almaty oblysynda atalǵan tulǵalar tobynyń reıderlik shabýyldar jasaǵany týraly 4 derek boıynsha is qozǵaldy.

Elimizdiń keminde taǵy úsh oblysynda osyǵan uqsas qylmystardyń jasalǵany týraly aqparat bar.

Sonymen qatar, atalǵan top qymbat jyljymaıtyn múlik, avtokólik jáne t.b. alý arqyly zańdastyrylǵan kirisi jasyryn bıznespen belsendi aınalysqan.

«Qylmyskerlerdiń ýákiletti memlekettik organdarda baılanystary bolǵan. Qazirgi ýaqytta toptyń belsendi músheleri ustaldy. Sotqa deıingi tergep-tekserý júrgizilýde. QR QPK 201-babyna sáıkes ózge málimetter jarııa etilmeıdi»,-delingen habarlamada.