Almatyda revızııalyq tekserý komıssııasy 120 mlrd teńgeniń zańbuzýshylyǵyn anyqtady
Almaty qalasy boıynsha tekserý komıssııasynyń tóraǵasy Altaı Berdiqulov aýdıtorlyq is-sharalardyń qorytyndysy boıynsha jalpy somasy 120,9 mlrd teńgeniń zańbuzýshylyǵy anyqtalǵanyn málim etti.
«45,5 mlrd teńgege qarjylyq buzýshylyq, 28,8 mlrd teńgege tıimsiz josparlaý, 46,5 mlrd teńgege bıýdjet qarajaty men memleket aktıvterin tıimsiz paıdalaný áreketteri anyqtaldy», - dedi ol.
Aıtýynsha, 2022 jylǵy 1 mamyrdaǵy jaǵdaı boıynsha 120,9 mlrd teńgeniń 4,9 mlrd teńgesi qalpyna keltirildi, onyń ishinde aýdıt barysynda 842,9 mln teńge óteldi.
Aýdıt obektilerine nusqamalardy oryndaý merzimi qala ákimdiginiń ǵımaratyndaǵy órtke, sondaı-aq sot talqylaýlaryna baılanysty uzartyldy.
«Ákimshilik jaýapkershilikke 30 adam tartylyp, 7,9 mln teńgege aıyppql salyndy. Tártiptik jaýapkershilikke 34 adam tartyldy (eskertý – 17, sógis – 15, qatań sógis – 2). Quqyq qorǵaý organdaryna 5 materıal berildi»,- dedi ol.