Almatyda Respýblıkalyq joǵary oqý oryndaryaralyq elektrondyq kitaphananyń jáne ýnıversıtet portalynyń tusaýkeser rásimi ótedi
ASTANA. Jeltoqsannyń 19-y. QazAqparat - Erteń Almatyda QR Bilim jáne ǵylym mınıstri Janseıit Túımebaevtyń qatysýymen Q.Sátbaev atyndaǵy Qazaq ulttyq tehnıkalyq ýnıversıtetiniń bazasynda Respýblıkalyq joǵary oqý oryndaryaralyq elektrondyq kitaphananyń jáne ýnıversıtet portalynyń tusaýkeser rásimi ótedi,
dep habarlaıdy QazAqparat atalǵan mınıstrliktiń baspasóz qyzmetine silteme jasap.
Respýblıkalyq joǵary oqý oryndaryaralyq elektrondyq kitaphana professorlyq-oqytýshylyq quramdy, stýdentterdi, doktoranttar men qazirgi zamanǵy aqparattyq-bilim berý resýrstarynyń bilim berý qyzmetine atsalysatyn basqa da qatysýshylardyń qajettiligin tolyǵymen qanaǵattandyrý úshin biryńǵaı aqparattyq júıege respýblıkanyń JOO-larynyń elektrondyq bilim berý resýrstaryn biriktirý maqsatynda qurylady.
Tusaýkeser rásimine QR Bilim jáne ǵylym mınıstrliginiń, Túrkııanyń Ulttyq ǵylymı-bilim berý jelileriniń, QR Joǵary oqý oryndary qaýymdastyǵynyń, «QazRENA» Qazaqstannyń kompıýterlik ǵylymı-bilim jelisin paıdalanýshylar qaýymdastyǵynyń ókilderi jáne joǵary oqý oryndarynyń rektorlary qatysady.
