Almatyda Respýblıkalyq «Zerde» konkýrsynyń aqtyq saıysy ótedi
ALMATY. 5 qańtar. QazAqparat /Erbol Azanbek/ - Respýblıkalyq zertteý jumystary men shyǵarmashylyq jobalardyń «Zerde» konkýrsynyń aqtyq syny 5-6 qańtar kúnderi Almatyda ótedi.
Konkýrstyń basty maqsaty - 1-7-synyp oqýshylarynyń ıntellektýaldyq-shyǵarmashylyq qyzyǵýshylyqtaryn arttyrýdy kózdeıdi. Uıymdastyrýshylardyń aıtýynsha, konkýrstyń sońǵy kezeńine 300-ge jýyq oqýshy qatysady. Olar matematıka-ınformatıka, bıologııa, hımııa, ekologııa, qazaq tili men ádebıeti, orys tili men ádebıeti, etnomádenıettaný, medıtsına, valeologııa, geografııa-aımaqtaný pánderinen 8 sektsııa boıynsha synǵa túsedi. Konkýrs qorytyndysy boıynsha úzdik jumystar reseılik zertteýler men shyǵarmashylyq jobalardyń «Men zertteýshimin» konkýrsyna qatysýǵa jiberilmek.
