Almatyda respýblıkalyq «Taıjarys» báıgesi bolyp ótti

dep habarlaıdy QazAqparat.

Ony «NurOtan» HDP, «JasOtan» Jastar qanaty Týrızm, sport jáne deneshynyqtyrý basqarmasymen birlesip uıymdastyrdy. Qysqy azıada qarsańynda uıymdastyrylǵan báıge «Taı atqa jetkizer, at muratqa jetkizer» uranymen ótti. Jarysty uıymdastyrýdaǵy basty maqsat jastardyń boıyndaǵy ulttyq minezdi damytý men jas urpaq sanasyna ulttyq mádenıetti sińirý. Al bul at báıgesine «Vestel» saýda belgisimen «Aqdıdar 2030» kompanııasy jáne «Almatykilem» JShS demeýshilik kórsetti. Sharanyń taǵy bir demeýshisi «Saryjaılaý» korporatsııasy kelgen qonaqtar men kórermenderge 50 l qymyzy men 50 l shubatyn tegin taratty.

«Jalpy bundaı báıge respýblıka kóleminde tuńǵysh ret uıymdastyrylyp otyr. Taı báıgesine 8 ben 14 jas aralyǵyndaǵy shabandoz balalar qatysty. Biz osyndaı is-sharalar arqyly jastar arasynda ulttyq dástúrlerimizdi nasıhattap, jastardyń boıyndaǵy ulttyq mádenıetin damytýdy kózdeımiz», deıdi «NurOtan» HDP-nyń «JasOtan» Jastar qanaty, Almaty qalalyq fılıalynyń atqarýshy hatshysynyń orynbasary Samǵat Ermekbaev.

Báıgege jalpy sany 18 shabandaz qatysty. Jarys qorytyndysy boıynsha aldyńǵy 5 orynǵa júlde tigilgen bolatyn.

1-oryn Satybaldıev Ertileýdiń «Botagóz» atty tulpary.

2-oryn Janqoılyqov Sábıttiń «Quralaı» atty tulpary. Almaty oblysy, Qarasaı aýdany.

3-oryn Álimqulov Temirlannyń «Aıtory» atty tulpary.

4-oryn Rysqulov Ǵalymnyń «Qazyna» atty tulpary.

5-oryn Dalbatov Dýdaraıdyń «Bek» esimdi tulpary. Tórt júldegerdiń barlyǵy da Almaty oblysy, Jambyl aýdanynan.

Uıymdastyrýshylardyń aıtýynsha, respýblıkalyq deńgeıde ótkizilip jatqan bul saıysty endi qazan aıynyń 10-shy juldyzynda Astanada jalǵastyrý josparlanyp otyr. Al Elordada bolatyn at báıgesinde ár aımaqtaǵy bas báıgegeni ıelengen sáıgúlikter baq synaspaq.