Almatyda respýblıkalyq semınar ótýde
ALMATY. 4 shilde. QazAqparat /Názıra Eleýhan/ - Búgin Almatydaǵy Bilim berý júıesiniń basshy jáne ǵylymı-pedagogıkalyq kadrlary biliktiligin arttyratyn respýblıkalyq ınstıtýtynda QR Bilim jáne ǵylym mınıstrligi men atalmysh ınstıtýttyń uıymdastyrýymen
"Qazaqstan Respýblıkasynda biliktilikti arttyrý júıesin jańartý - bilim sapasyn qamtamasyz etýdiń basty faktory" degen taqyrypta Respýblıkalyq semınar ótip jatyr.
Semınardyń jumysyna QR BǴM qurylymdyq bólimderiniń, respýblıkalyq vedomstvolyq baǵynyshty bilim berý uıymdarynyń basshylary, oblystyq, Astana jáne Almaty qalalary bilim basqarmalary bastyqtarynyń orynbasarlary, sonymen qatar, oblystyq biliktilikti arttyrý ınstıtýttarynyń, pedagogıkalyq joǵary oqý oryndary janyndaǵy aımaqtyq biliktilikti arttyrý ortalyqtarynyń basshylary jáne aımaqtyq biliktilikti arttyrý jáne qaıta daıarlaý ortalyqtarynyń dırektorlary qatysýda.
Eki kúnge sozylatyn semınar barysynda vaýcherlik júıege ótý jaǵdaıyndaǵy biliktilikti arttyrý júıesin jańartý men damý bolashaǵy, QR biliktilikti arttyrý júıesine aqparattyq-kommýnıkatsııalyq tehnologııany engizý máseleleri talqylanatyn bolady, sonymen qatar, biliktilikti arttyrýdaǵy modýldik baǵdarlamalardy qurastyrý jáne iske asyrý, biliktilikti arttyrý júıesinde quzyrlylyq amaly negizindegi bilim berý sapasyn basqarý, ınklıýzıvti bilim beretin pedagogtar daıarlaýdaǵy biliktilikti arttyrý júıesiniń róli syndy suraqtar qaralatyn bolady.
Semınar qorytyndysy boıynsha biliktilikti arttyrý ınstıtýttary qyzmetiniń nátıjeliligin qamtamasyz etý týraly usynystar qabyldanbaq.
