Almatyda respýblıkalyq balalar shyǵarmashylyǵynyń óner kórmesi ashyldy
ALMATY. Jeltoqsannyń 8-i. QazAqparat /Erlik Erjanuly/ - Búgin Almatyda balalar shyǵarmashylyǵynyń "Babalar murasyn saqtap, molaıtaıyq" dep atalatyn respýblıkalyq sándi-qoldanbaly óner kórmesi ashyldy,
dep habarlaıdy QazAqparat.
Táýelsizdik kúni merekesine arnalǵan bul sharany uıymdastyrǵan - Respýblıkalyq qosymsha bilim berý oqý-ádistemelik ortalyǵy. QR Bilim jáne ǵylym mınıstrliginiń josparyna sáıkes 2 jylda bir ret ótetin dástúrli kórme bıyl QR Memlekettik ortalyq murajaıynda ótýde. Onyń jumysy 3 kúnge sozylady.
Kórmege elimizdiń 14 oblysy men respýblıkalyq mańyz bar Astana, Almaty qalalarynan balalardyń 700-den astam shyǵarmashylyq jumystary qoıylyp otyr. Olar - toqyma matalalardan jasalǵan jumystar: sándi toqyma, órme buıymdary, gobelen, kilem toqý, bylǵarydan jasalǵan kórkem buıymdar, aǵash pen metaldan óńdelgen kórkem buıymdar, túrli-tústi kesindilerden qurastyrylǵan órnekter, polımerlik tabıǵı materıaldar, qoldanbaly ónerdiń dástúrli emes túrleri tárizdi 7 atalym boıynsha baǵalanady. Oǵan tanymal qolóner sheberlerinen quralǵan qazylar alqasy óz baǵasyn beredi. Jeńimpazdar anyqtalǵannan keıin Bilim jáne ǵylym mınıstriniń arnaıy syılyqtary tabys etiledi. Sondaı-aq olardy daıyndaǵan ustazdardyń barlyǵyna sertıfıkattar beriledi", deıdi Respýblıkalyq qosymsha bilim berý oqý-ádistemelik ortalyǵynyń dırektory Ábdiǵapar Jaqsybekov.
