Almatyda Respýblıka Saraıy qaıta jóndeýden ótedi
Y. Qyrkúıektiń 30-y. QazAqparat /Nazıra Eleýhan/ - Almatyda qala ákimi Ahmetjan Esimov respýblıkanyń eń iri kontsert zaly - Respýblıka Saraıyn tehnıkalyq jaǵynan qaıta jasaqtaý jóninde keńes ótkizdi,
dep habarlaıdy QazAqparat qala ákimdiginiń baspasóz qyzmetine silteme jasap.
Sarapshylar nysandy aldyn-ala tehnıkalyq jaǵynan qarap shyqqan soń, Respýblıka Saraıyn qaıta jasaqtaý qajet dep tapty. «Qurylys salynǵan kezden beri qaraı barlyq ınjenerlik júıe eskirgen, sahna men basqa da bólmeler búgingi kún talabyna saı emes», deıdi olar.
Keńes barysynda Respýblıka Saraıyn bolashaqta qaıta jóndeýden ótkizý qajettigi atap kórsetilip, qala ákimdigi osy máselege qatysty mamandarǵa arnaıy tapsyrma berip, ústimizdegi jyldyń qarasha aıynyń 1-ine deıin qajetti qujattardy ázirleýdi tapsyrdy.
«Bizdiń aǵa urpaǵymyz óz sońynan respýblıkalyq mańyzy bar óte ásem nysandy qaldyryp ketti, Respýblıka Saraıy sáýlet pen mádenıettiń asa qundy belgisi bolyp tabylady. 39 jyl ishinde ony esh aıaýsyz paıdalandyq, mine, endi záýlim saraıdy qaıta jańǵyrtý máselesi kóterilip otyr. Biz úlken megapolıstiń maqtany bolyp tabylatyn osyndaı ǵımarattardy aıalaı bilýimiz qajet»- dedi qala ákimi Ahmetjan Esimov.
Respýblıka saraıy 1970 jyly salynyp, V.I.Lenın atyndaǵy saraı dep atalǵan bolatyn. Jobanyń avtorlary- sáýletshiler N.I.Rıpınskıı, V.N.Kım, A.P.Sokolov, V.ıÝ.Alle, L.L. Ýhobotov, ıÝ.G.Ratýshnyı; ınjenerler B.N.Delov, V.I.Kýkýshkın, V.D.Sýshentsev. 1991 jyly jeltoqsanda Respýblıka Saraıy bolyp ataýy ózgerdi. Ár jyldary bul saraıda sezder, jıyndar, merekelik jınalystar, kontsertter, kınofestıvalder jáne taǵy da basqa mańyzdy saıası jáne mádenı sharalar ótti.
