Almatyda reseılik qolóner sheberleriniń kórme-jármeńkesi ótýde
ALMATY. 16 naýryz. QazAqparat - Búgin Almatyda Ortalyq kórme zalynda tuńǵysh ret reseılik qolóner sheberleriniń kórme-jármeńkesi ashyldy.
Kórmege Máskeý, Peterbor, Irkýtsk, Habarovsk, Vladıvostok qalalarynan 20-dan asa sheberlerdiń zergerlik buıymdary, sonymen qatar, Qazaqstan men Reseıdiń tabıǵı mıneraldarynyń kollektsııalary qoıylǵan. Ár sheber óziniń 2000-nan asa zergerlik buıymdary men tabıǵı tastardan jasalǵan túrli zattaryn usynǵan. Kórmege kelýshiler munda káriptas, marjan, anartas, topaz, aqyq, hrızolıt, kúlgintas jáne t.b. ár túrli tastardan jasalǵan alýan túrli buıymdardy tamashalap qana qoımaı, satyp ala alady. Sondaı-aq, kásibı mamandardan tastardyń qasıeti týraly keńes alyp, tolyǵyraq surap bile alady.
Atalmysh sharanyń uıymdastyrýshysy Valentına Kramarovanyń aıtýynsha, kórme-jármeńke reseılik zergerlik sheberlerdiń týyndylaryn kórsetý jáne shyǵarmashylyqtarymen tanystyrý maqsatynda uıymdastyrylýda.
