Almatyda reseılik kınorejıser Egor Konchalovskııdiń «Máskeý, men seni súıemin» atty romantıkalyq- komedııa fılmi kórsetildi

dep habarlaıdy QazAqparat.

Rejıser osydan bir kún buryn atalmysh fılmniń tusaýkeser rásimi Máskeý qalasynda ótkizgendigin aıta kele, qazaqstandyq kórermenderge de kıno týyndysyn usynǵandy jón kórgendigin jetkizdi. «Qazaqstandyqtardyń bul fılmdi qalaı qabyldaıtyndyǵy men úshin óte mańyzdy. Óıtkeni, bul elde de birneshe fılm túsirip jatyrmyz. Bul fılmdi túsirýge úsh jylǵa jýyq ýaqyt ketip, onyń bıýdjetine ekonomıkalyq daǵdarystar da áser etti», deıdi E.Konchalovskıı.

Fılmniń tolyq nusqasynda 18 novella bolyp, prokattyq kompanııalar kórermenniń qaraýyna jeńilirek bolý úshin fılmdi 15-ke deıin qysqartqan.

Ár novellany ártúrli rejıserler túsirip, 18 túsirý toby jumys istegen. Olardyń qatarynda Fedor Bondarchýk, Dmıtrıı Dıýjev, Evgenıı Mıronov, Maksım Sýhanov, Evgenııa Dobrovolskaıa, Ivan Ohlobystın, Marııa Mıronova, Natalıa Fateeva, Albert Fılozov syndy tanymal akterler bolǵan.

Atalmysh fılmde Máskeý qalasy turǵyndarynyń ómirindegi mańyzdy oqıǵalar kórsetilgen.