Almatyda Reseıdiń ulttyq ıadrolyq zertteý ýnıversıtetiniń fılıaly ashyldy

ALMATY. QazAqparat – Almatyda Ál-Farabı atyndaǵy Qazaq ulttyq ýnıversıtetinde «Máskeý ınjenerlik-fızıkalyq ınstıtýty» Ulttyq ıadrolyq zertteý ýnıversıtetiniń fılıaly ashyldy, dep habarlaıdy QazAqparat tilshisi. QazUÝ-dyń baspasóz qyzmetine silteme jasap.

Іs-sharaǵa QR Ǵylym jáne joǵary bilim mınıstri Saıasat Nurbek, RF Ǵylym jáne joǵary bilim mınıstriniń orynbasary Natalıa Bocharova, «MIFI» Ulttyq ıadrolyq zertteý ýnıversıtetiniń rektory Vladımır Shevchenko, QR Energetıka mınıstrligi ıAdrolyq fızıka ınstıtýtynyń bas dırektory Saıabek Sahıev, «Qazatomónerkásip» jáne «Rosatom» kompanııalarynyń ókilderi, joǵary oqý oryndarynyń professorlary men stýdentteri qatysty.

Birlesken joba Prezıdent Qasym-Jomart Toqaevtyń alǵa qoıǵan Reseıdiń ozyq tehnıkalyq joǵary oqý oryndary fılıaldaryn qurý týraly strategııalyq mindetin oryndaý aıasynda júzege asyrylyp jatyr.

«MIFI-men áriptestik qoldanbaly ǵylym salasyndaǵy yntymaqtastyq úshin jańa damý núktesi bolady dep úmittenemiz. Fılıaldyń qurylýy salany «ıAdrolyq energetıka jáne tehnologııalar», «Informatıka jáne esepteý tehnıkasy» mamandyqtary boıynsha bilikti kadrlarmen qamtamasyz ete otyryp, elde ıadrolyq energetıkanyń damýyna jańa serpin beredi. Biz «MIFI» UıAZÝ fılıaly shaǵyn jobadan mańyzdy, aýqymdy, óńirlik, memleketaralyq óndiristik ortalyqqa aınalýy úshin bar kúshimizdi salamyz», – dedi Ǵylym jáne joǵary bilim mınıstri Saıasat Nurbek quttyqtaý sózinde.

RF Ǵylym jáne joǵary bilim mınıstriniń orynbasary Natalıa Bocharova bul Qazaqstandaǵy reseılik joǵary oqý oryndarynyń alǵashqy fılıaly, flagmany ekenine mán berdi.

«Joba buryn-sońdy bolmaǵan qysqa merzimde júzege asyryldy. Tehnıkalyq joǵary oqý ornynyń qyzmetin shetelde uıymdastyrý óte qıyn, sondyqtan men «MIFI» Ulttyq ıadrolyq zertteý ýnıversıtetiniń rektory Vladımır Shevchenkoǵa jáne Ál-Farabı atyndaǵy QazUÝ rektory Janseıit Túımebaevqa fılıaldyń ashylýy aıasynda atqarǵan orasan zor jumysy úshin shyn júrekten alǵys aıtamyn», – dedi mınıstr orynbasary.

Qatysýshylar jıyn sońynda Ál-Farabı atyndaǵy QazUÝ bazasynda ashylǵan «MIFI» ulttyq zertteý ıadrolyq ýnıversıteti fılıalynyń estelik taqtasyna qol qoıdy. Sondaı-aq qurmetti qonaqtar ýnıversıtettiń fızıka-tehnıkalyq fakýltetinde bolyp, jańa fılıaldyń aýdıtorııasyn aralady.

Foto: kaznu.kz