Almatyda Reseı men Qazaqstan ІІM basshylary bas qosty
ALMATY. QazAqparat - Almatyda Qazaqstan Respýblıkasy men Reseı Federatsııasy ishki ister mınıstrligi áriptestiginiń tórtinshi otyrysy ótip jatyr, dep habarlaıdy QazAqparat tilshisi.
Jıynǵa QR men RF ІІM mınıstrleri Qalmuhanbet Qasymov pen Vladımır Kolokoltsev, eki eldiń ishki ister mınıstrligindegi ortalyq apparat qyzmetkerleri men áriptestik músheleri, TMD Uıymdasqan kúresti úılestirý bıýrosynyń dırektory (BKBOP SNG), sondaı-aq Almaty, Almaty oblysy, Soltústik Qazaqstan men Batys Qazaqstan oblysy ІІD basshylary qatysty.
«Bizdiń shekaralar arqyly erkin taýar almasý múmkindigi paıda bolǵan soń uıymdasqan qylmys kúsheıip ketti»,-dep Qalmuhanbet Qasymov basqosýdy bastap berdi.
Kezdesý barysynda Qazaqstan men Reseı ishki ister organdarynyń ekijaqty áriptestik máseleleri qaraldy. Atap aıtqanda, kólik quraldaryn ıemdený qylmysyna qarsy turý, sondaı-aq qylmysty zertteý kezinde jedel-krımınalıstik jáne eksperttik-krımınalıstik bólimderdiń birlesip qyzmet etýi sóz boldy.
Otyrys sońynda qaralǵan suraqtar boıynsha birlesken sheshimge qol qoıý, kelesi otyrystyń jumys josparyn bekitý jasparlanǵan.
