Almatyda «Reseı balet juldyzdarynyń» gala-kontserti ótti
ALMATY. 6 naýryz. QazAqparat - Almatyda Abaı atyndaǵy atyndaǵy opera jáne balet teatrynda Halyqaralyq áıelder kúnine arnalǵan «Áıelderge degen mahabbatpen» atty reseılik balet juldyzdarynyń gala-kontserti bolyp ótti.
Tuńǵysh ret Abaı atyndaǵy atyndaǵy opera jáne balet teatry sahnasynda Reseıdiń eń úzdik degen balet teatrlarynyń jarqyn juldyzdary, solısteri men bıshileri jınalyp, almatylyqtardy jáne qala qonaqtaryn ónerlerimen sýsyndatty.
Merekelik kontsertte álemdik balet juldyzy, Reseıdiń eńbek sińirgen ártisi, halyqaralyq baıqaýlardyń laýreaty - Farýh Rýzımatov (Sankt-Peterbýrg), «Máskeýdiń orys kameralyq baletia» trýppasynyń jetekshi balerınasy Saıaka Takýda, Marıınsk teatrynyń solısi Andreı Batalov, Parıj ben Londondy baǵyndyrǵan «Kreml baleti» teatrynyń prıma-balerınasy Aleksandra Tımofeeva, K.S. Stanıslavskıı jáne V. I. Nemırovıch-Danchenko atyndaǵy Máskeý mýzykalyq teatrynyń prıma-balerınasy Natalıa Krapıvına, Marıınsk teatrynyń birinshi ánshisi Anastasııa Kolegova jáne Mıhaıl Martynıýk, Georgı Smılevskı, Danıl Korsýntsev syndy Reseıdiń eńbek sińirgen ártisteri óner kórsetti.
Qazaqstandyq óner súıer qaýym nazaryna reseılik balet juldyzdarynyń oryndaýyndaǵy «Aqqý kóli», «Romeo jáne Djýletta», «Tıtanık», «Bolero», «Korsar», «Şelkýnchık», «Don Kıhot» qoıylymdary usynyldy.
