Almatyda Reseı azamaty keden arqyly 76 500 eýrony zańsyz alyp ótpek bolǵan

ALMATY. QazAqparat - «Almaty - Tbılısı» halyqaralyq áýe baǵytyna kedendik baqylaý júrgizý barysynda 76 500 eýrony zańsyz alyp ótpek bolǵan Reseı azamaty qolǵa tústi.

Bul týraly qalalyq Kedendik baqylaý departamentiniń baspasóz qyzmeti habarlady.

«Ustalǵan azamattyń qol júgine tekserý júrgizgen kezde keden organynan jasyryn alyp ótpek bolǵan 76 500 eýro tabylǵan. Shetel azamaty keden shekarasynan ótý kezinde tárkilengen aqshasyn deklaratsııada kórsetpegen», - delingen habarlamada.

Búginde Almaty qalasy boıynsha Kedendik baqylaý departamenti tárkilengen dáıekke qatysty tekserý amaldaryn júrgizýde. Tekserýdiń nátıjesinen keıin protsessýaldy sheshim qabyldanatyn bolady.