Almatyda «Rendj Rover» kóligi órtenip ketti
ALMATY. QazAqparat - Almatyda qymbat kólik «Rendj Rover» túgi qalmaı órtenip ketti, dep habarlaıdy QazAqparat tilshisi.
Qalalyq TJD resmı ókili Sandýǵash Baımuhambetovanyń aıtýynsha, órt týraly habarlama keshe saǵat 19:49-dar shamasynda túsken.
Tótenshe jaǵdaı Abaı men Abylaıhan kóshesiniń qıylysynda bolǵan.
Órt sóndirýshiler oqıǵa ornyna 5 mınýtta jetti.
«Órt kóliktiń motor bóliginde tutanǵan. Jalyn kóliktiń salonyn da zaqymdap úlgerdi. Tilsiz jaý barlyǵy 3 sharshy metr aýmaqty sharpydy. Órt tolyǵymen 20:03sóndirildi», - dedi S.Baımuhambetova.
Japa shekkender joq.
Aıta ketý kerek, jeli qoldanýshylary kólik órtengeni jaıly vıdeony jarııalaı bastady. Vıdeodan belgili bolǵandaı, kóliktiń aldynda órt bolyp, motor bólikteri biraz ýaqyttan soń tarsyldap atyla bastaǵan.
