Almatyda regbıden bes ulttyń Azııalyq kýbogy Joǵary lıgasynyń 8- oıyny ótip jatyr
ALMATY. 20 mamyr. QazAqparat - Keshe Almatyda regbıden erler arasynda bes ulttyń Azııalyq kýbogy Joǵarǵy lıgasynyń Qazaqstan men Koreıa quramalarynyń arasyndaǵy 8-oıyny bastaldy.
Ony HSBC bank, Azıalyq regbı odaǵy (ARFU) jáne Qazaqstannyń ulttyq regbı qaýymdastyǵy (KNRA) uıymdastyryp otyr. Bul qazaqstandyq regbıshiler úshin asa jaýapty kezdesý bolmaq. Óıtkeni olar bul synda qarsylasyn basym tússe, Joǵarǵy lıgadaǵy óz ornyn saqtap qalady, al jeńilis tapsa tómengi lıgaǵa túsip qalýy múmkin. Olar buǵan deıin 11 mamyrda Dýbaıda BAÁ quramasyna - 31:46, al 28 sáýirde Almatyda Japonııa quramasyna 0:87 esebimen jeńilip qalǵan bolatyn.
Jalpy qurlyqtyń úzdik bes komandasy arasyndaǵy Azııa kýbogy dodasy 2016 jyly Brazılııanyń Rıo-de-Janeıro qalasynda ótetin Olımpıada oıyndaryna qatysý úshin bizdiń olımpıadalyq komanda úshin alǵashqy saty bolmaq.
