Almatyda Raıymbek dańǵylyndaǵy avtobýs jolaǵymen júrýge ruqsat etildi
ALMATY. QazAqparat - Almatyda júrgizýshilerge Raıymbek dańǵylyndaǵy avtobýs jolaǵy arqyly ótýge ruqsat etiledi, dep habarlaıdy QazAqparat tilshisi.
Almaty qalalyq mobıldilik basqarmasynyń málimetinshe, 19 sáýirden bastap júrgizýshilerge Raıymbek dańǵyly boıynsha Saın kóshesinen ıAssaýı kóshesine deıin jumys kúnderi saǵat 20:00-den 06:30-ǵa deıin qoǵamdyq kólik úshin bólingen jolaqtarmen júrýge ruqsat etiledi.
Demalys jáne mereke kúnderi osy ýchaskede barlyq avtomobılder ýaqyt shekteýinsiz júre alady.
«Kólik qozǵalysyna osy jańalyqtyń engizilýi qala ishindegi avtomobıl legin tıimdi qurý úshin, sondaı-aq qarbalas kezde jáne demalys kúnderi arnaıy bólingen avtobýs jolaqtaryn paıdalaný máselesin sheshý úshin testilik rejımde engiziletin bolady. Bólingen jolaqtar boıynsha kólik quraldarynyń qozǵalysyn ózgertý 2023 jyldyń sońyna deıin kúshinde bolady. Sodan soń salystyrmaly derekter negizinde kólik legin uıymdastyrý týraly sheshim qabyldanady. Júrgizýshiler belgilengen jol belgilerin basshylyqqa alyp, QR Jol qozǵalysy erejeleriniń talaptaryn saqtaýlary tıis»,- dep habarlady Almaty qalalyq mobıldilik basqarmasynyń baspasóz qyzmetinen.
Eske salsaq, bul shara pılottyq jobanyń ekinshi kezeńi. 2022 jyldyń naýryzynda qoǵamdyq kólikke bólingen jolaqtar boıynsha jol qozǵalysyn uıymdastyrýdyń qoldanystaǵy syzbasyna ózgeris engizildi.
