Almatyda Ramazan aıynda 100 myń dana sý men qurma taratylady
Onyń aıtýynsha, Almaty meshitterinde qasıetti Ramazan aıyna arnalǵan jospar bekitildi.
«Bıyl qaladaǵy 52 meshittiń 47-sinde taraýyq namazynda quran hatym túsiriledi. Qalǵan 5 meshitte taraýyq namazy quran hatymsyz oqylady. Ramazan quran aıy. Sondyqtan,, osy aıda qala meshitterinde quran álippesi men namaz úıretý kýrstary qarqyndy júrgiziledi»,-dedi Almaty qalasynyń bas ımamy Tólebı Ospan.
Sonymen qatar, ol Almaty ortalyq meshitinde «Ramazan shatyry» qurylyp, kúndelikti 500 kisige aýyzashar dastarhany jaıylatynyn jetkizdi.
Qalanyń basqa da meshitterinde aýyzashar beriledi. Aýyzashar bergisi keletin kisiler meshitterdegi jaýapty adamdarǵa jolyǵýlaryna bolady.
«Orazanyń alǵashqy kúni jurtshylyqqa oraza aıynyń kelgenin súıinshi suraý maqsatynda «Qosh keldiń, Ramazan!» aıdarymen qala kóshelerinde 100 myń dana sý men qurma taratylady. Bul sharaǵa ımamdar bastaǵan jastar jamaǵaty men blogerler jumyldyrylady. Sonymen qatar «Jaqynyńa syılyq syıla» jáne «Jarapazan» estafetalary uıymdastyrylady»,-dedi Tólebı Ospan.
