Almatyda «Rahat» AQ-nyń ǵımaratynda órt boldy, 60-tan astam adam qaýipsiz aımaqqa kóshirildi
ASTANA. 27 qazan. QazAqparat - Keshe saǵat 20.59-da Almatynyń Medeý aýdanynda ornalasqan «Rahat» AQ ǵımaratynyń 3-shi qabatynda elektr symy men tasymaldaýshy lenta órtendi.
Bul týraly QR TJM-niń baspasóz qyzmetinen habarlady.
Órt saǵat 23.32-de sóndirildi. Tilsiz jaýdy aýyzdyqtaýǵa Almaty qalasy boıynsha TJD órtke qarsy qyzmetiniń 60 adamy men 17 tehnıkasy jumyldyryldy. 61 adam qaýipsiz aımaqqa kóshirildi. Qaza bolǵandar men zardap shekkender joq.
