Almatyda «RÝH - MARAFON» jalpyqalalyq spartakıadasy bastaldy
ALMATY. QazAqparat - Almatyda demalys ortalyqtarynyń tárbıelenýshileri men sportshy jastary arasynda jyl saıynǵy «RÝH - MARAFON» jalpyqalalyq spartakıadasy bastaldy, dep habarlaıdy QazAqparat tilshisi.
Almaty qalasynda jastar saıasaty basqarmasynyń málimetinshe, spartakıada 500-800 metrlik jarys, mını-fýtbol, ústel tennısi, strıtbol jáne boýlıng týrnıri sııaqty 5 sport túrinen ótedi.
Spartakıada oıyndaryna 2000-nan astam jas sportshy qatysady. Spartakıada 27 maýsymǵa deıin jalǵasady.
Qatysýshylar men jeńimpazdardy marapattaý jarystyń qorytyndysy boıynsha ótedi.Sondaı-aq bıylǵy spartakıada jastar arasynda nashaqorlyqtyń aldyn alý maqsatynda ótkizilýde. Sport merekesi Almaty qalasynyń jastar saıasaty basqarmasy men qalalyq polıtsııa departamentiniń bastamasymen ótedi.
«Men sizderdi»RÝH - MARAFON«spartakıadasynyń ashylýynda kórgenime qýanyshtymyn. Búgingi kúni esirtkini qoldaný ózekti másele bolyp tabylady jáne onymen kúresý qajet. Bul densaýlyqty, adamdardyń taǵdyryn buzatyn, qaladaǵy jáne jalpy eldegi jaǵdaıǵa teris áser etetin qorqynyshty qubylys. Osyǵan oraı Prezıdenttiń tapsyrmasymen nashaqorlyqtyń aldyn alý boıynsha aýqymdy jumystar júrgizilýde. Jastar, sizder bizdiń bolashaǵymyzsyzdar. Sizder»Deni saýdyń-jany saý«degen sózdi jaqsy túsinip, sportpen shuǵyldanýdy nazardan tys qaldyrmaýǵa tıissizder», - dedi QR Ulttyq ulan jáne Іshki ister mınıstrliginiń ardagerler keńesiniń tóraǵasy, mılıtsııa general - maıory Saǵynjan Asyl - Keneı.
Aıta keteıik, Almatyda búgingi kúni 100 demalys ortalyǵy jumys isteıdi. Olardyń maqsaty qala jastarynyń bos ýaqytyn tıimdi ótkizýge baǵyttalǵan.
