Almatyda «Ql-Trade Kazakhstan» salymshylaryn polıtsııaǵa júginýge shaqyrdy
ALMATY. QazAqparat - Almaty Polıtsııa departamenti «Ql-Trade Kazakhstan» JShS salymshylaryn polıtsııaǵa júginýge shaqyrady, dep habarlaıdy QazAqparat tilshisi.
Qazirgi tańda Almaty qalalyq Polıtsııa departamentiniń Tergeý basqarmasy «Ql-Trade Kazahstan» JShS jasaǵan iri kólemdegi alaıaqtyq faktisi boıynsha qylmystyq isti tergep jatyr.
«2020 jyldyń 14 jeltoqsanynda Medeý aýdandyq Polıtsııa basqarmasyna qarjy pıramıdasyn qurý jáne basqarý týraly ujymdyq aryzben 99 salymshy júgindi. Qazirgi ýaqytta alaıaqtyq qurbandarynyń sany aıtarlyqtaı artty. Eldiń basqa qalalarynda da birqatar epızod anyqtaldy. Kúdikti tulǵaǵa halyqaralyq izdeý jarııalandy. Atalǵan JShS salymshylaryn Almaty qalasy Masanchı kóshesi 55 úıge kelýge nemese 254-43-80, 254-49-82, + 7-777-250-68-37, + 7-707-555-50-87 nemese «102» telefondary arqyly habarlasýǵa shaqyramyz», – dedi Almaty qalalyq Polıtsııa departamenti bastyǵynyń orynbasary Rústem Ábdirahmanov.
