Almatyda pyshaq ustaǵan úsh adam kólikterdiń tóbesine shyǵyp alyp sekirgen
ALMATY. QazAqparat - Almatyda pyshaq ustaǵan úsh adam kólikterdiń tóbesine shyǵyp alyp sekirdi, dep habarlaıdy QazAqparat tilshisi.
Almaty qalalyq Polıtsııa departamentiniń málimetinshe, oqıǵa «Aqbulaq» shaǵyn aýdanynda boldy.
Úsh jas jigit kóliktiń tóbesine shyǵyp alyp sekirgen. Olarǵa eskertý jasaǵandarǵa pyshaq kórsetken. Onyń arty tóbeleske ulasty.
«Buzaqylardyń birin polıtseıler izin sýytpaı ustady. 19 jastaǵy kúdikti mas boldy. Sonymen qatar, ol buryn aýyr qylmys jasaǵany úshin sottalǵan. Tártip saqshylary oqıǵa ornyn qaraý barysynda úsh pyshaq tapty. Zattaı dálelder is materıalyna tirkeldi», - dep habarlady polıtsııa departamentiniń baspasóz qyzmeti.
Oqıǵanyń tolyq mán-jaıy tergeý barysynda anyqtalady.
