Almatyda PTR zerthanalardyń qýaty artady

ALMATY. QazAqparat - Almaty ákiminiń orynbasary Erjan Babaqumarov PTR dıagnostıka qýatyn arttyrý boıynsha qala zerthanalarymen keńes ótkizdi, dep habarlaıdy QazAqparat.

Almaty qalasy ákiminiń orynbasary Erjan Babaqumarov qalanyń bas memlekettik sanıtar dárigeri, sanıtarlyq-epıdemıologııalyq baqylaý departamentiniń basshysy Jandarbek Bekshınmen birlesip PTR-zertteý júrgiziletin zerthanalardyń basshylarymen onlaın keńes ótkizdi.

Keńes barysynda qala turǵyndarynyń koronavırýstyq ınfektsııaǵa PTR-dıagnostıkasyn júrgizý máseleleri qaraldy, atap aıtqanda, qolda bar rezervter jáne kúrdeli epıdemıologııalyq jaǵdaı aıasynda zertteýler aýqymyn ulǵaıtýǵa daıyndyq týraly aqparat tyńdaldy.

Buǵan deıin qala turǵyndarynyń PTR-testke degen suranysy 4 myńdy qurasa, epıdemıologııalyq jaǵdaıdyń ýshyǵýyn eskere otyryp, júrgiziletin zertteýlerdiń táýliktik kólemi 8 myńǵa deıin kóbeıgeni atap ótildi.

Erjan Babaqumarov qala zerthanalarynyń aldynda taıaý kúnderi PTR-testileýdi ótkizýdiń jalpy qýatyn táýligine 14,2 myńnan 25 myńǵa deıin arttyrýǵa daıyndyǵyn qamtamasyz etý sharalaryna jumyldyrý jáne qabyldaý mindeti turǵanyn atap ótti.

Ol úshin zerthanalyq toptardyń sanyn arttyrý, sondaı-aq eki aýysymdy rejımdi engizý arqyly úzdiksiz jumysty qurý boıynsha tapsyrmalar berildi.

Sondaı-aq, qalada epıdemıologııalyq jaǵdaıdyń ýshyǵýy jáne qala aýmaǵynda COVID-19 jańa shtammynyń taralýy jalǵasqan jaǵdaıda, júrgizilip jatqan zertteýler kólemin odan ári 35 myńǵa deıin arttyrý múmkindigin qarastyrý tapsyryldy.

Óz kezeginde, qalanyń bas memlekettik sanıtar dárigeri J. Bekshın zerthana basshylyǵynyń nazaryn jınaý pýnktterinde dezınfektsııalyq rejımdi qatań saqtaýdy qamtamasyz etý qajettigine aýdardy.

Jalpy, búgingi tańda qala aýmaǵynda ornalasqan zerthanalarda 1,1 mln test júrgizilgen, onyń ishinde 30 myńy oń nátıje kórsetken.

Sońǵy táýlikte megapolıste KVI juqtyrýdyń 410 jaǵdaıy tirkeldi.

Almaty ákimdigi qala turǵyndary men qonaqtaryn karantın sharalarynyń - áleýmettik qashyqtyqtyń, betperde rejıminiń saqtalýyn kúsheıtýge, sondaı-aq adam kóp jınalatyn oryndarǵa, ásirese, sozylmaly aýrýlardan zardap shegetin jáne 65 jastan asqan táýekel tobyndaǵy adamdarǵa barýdan bas tartýǵa shaqyrady.

PTR zerthanalar tizimi:

1. Almaty qalasy boıynsha «Ulttyq saraptama ortalyǵy» ShJQ RMK fılıaly, Medeý aýdany Jibek Joly kóshesi, 3; ([e-mail]), tel. [phone];

2. «KDL OLIMP» JShS, Almaly aýdany, Tóle bı kóshesi, 83, [e-mail];

3. Almaty q. «INVITRO» - Qonaev k-si, 32 [e-mail], tel. [phone];

4. «Alatau Clinic» JShS - Taldy Aral k-si, 2; alatau [e-mail], tel. [phone];

5. «El Lab PCR» JShS - Qarǵaly yqsh., Kenesary han kóshesi, 61A, [e-mail], tel. [phone];

6. «Akva Lab» JShS - Seıfýllın kóshesi, 287, el.poshta [e-mail], tel. [phone];

7. «Prıvat klınık Almaty» JShS - Mıras kóshesi, 45, [e-mail], tel. [phone];

8. «Gamma Lab» JShS - Hodjanov k-si, 55A , [e-mail], tel. [phone];

9. «Innosol» JShS - Qazybek bı k-si, 96; el.poshta [e-mail];

10. Alataý aýdany QBJAA PTR bólimi, Terekti sh.a, Tashkent trakti, 541, el.poshta [e-mail];

11. «Nýr-lab-2030» JShS - Bespaqov kóshesi, 60 B, el.poshta [e-mail], tel. [phone];

12. «Medıtsına 100+» - Áshimov k-si, 1K, el.poshta [e-mail], 8707663387;

13. M. Aıqymbaev atyndaǵy AQIUǴO - Túrksib aýdany, Qapal kóshesi, 14; el.poshta [e-mail] , tel. [phone];

14. «KasMed» JShS - Baıqadamov k-si, 5, el.poshta [e-mail], tel. [phone];

15. Medical Partners Korea Qazaqstan - «Nýrlytaý» BO, [e-mail], tel. [phone];

16. «Bıotehnologııa ulttyq ortalyǵy» JShS, Túrksib aýdany Qapal kóshesi, 14;

17. Immýnotest» JShS - Ǵabdýllın k-si, 24, el.poshta [e-mail] , tel. [phone];

18. SMLAB JShS - Shagabýtdınov k-si, 169, el.poshta [e-mail];

19. MIPO emhanasy JShS - Toraıǵyrov k-si, 49/1, [e-mail], tel. [phone].