Almatyda PTR test jasaıtyn qosymsha eki zerthana ashylady
ALMATY. QazAqparat – Megapolıste koronavırýsty anyqtaıtyn PTR-testileýdiń taǵy eki jekemenshik zerthanasy ashylady. Onyń biri erteńnen bastap jumysqa kirisedi. Bul týraly Baqytjan Saǵyntaev málim etti, dep habarlaıdy QazAqparat tilshisi.
«Osydan 10 kún buryn jeke zerthanalarda reagentter bitip qalýyna baılanysty qıyndyq týyndady. Onyń sebebi túsinikti, test tapsyrǵysy keletin adamdardyń sany artty. Sonymen qatar, Ulttyq saraptama ortalyǵy fılıalynyń zerthanasynda 30-ǵa jýyq qyzmetkerden koronavırýs anyqtaldy. Sol sebepti jumysty toqtata turýǵa májbúr boldyq. Qazir barlyq zerthanalar tolyǵymen jumys istep tur», - dedi ákim.
Sonymen qatar, ol taǵy eki zerthana ashylatynyn aıtty.
«Erteńnen bastap Almaty qalalyq jedel shuǵyl kómek kórsetý aýrýhanasynyń janynan jeke zerthana ashylady. Sondaı-aq, jaqyn arada jekemenshik klınıkalardyń birinde taǵy bir zerthana ashylatyn bolady. Biz halyqtyń testileý deńgeıin ózimiz qoıǵan mindetterge jetkizemiz «, - dedi Baqytjan Saǵyntaev.
Qala basshysynyń aıtýynsha, búgingi tańda 300 myńǵa jýyq test júrgizildi. Onyń 245 myńy PTR testi.
