Almatyda PTR taldaýlary táýligine 22 myńǵa jetkizilmek

ALMATY. QazAqparat- Almatyda PTR taldaýlaryn táýligine 22 myńǵa jetkizý kózdelip otyr, dep habarlaıdy QazAqparat tilshisi.

«Búginde Almatyda 17 zerthanada koronavırýsqa PTR taldaýy júrgiziledi. Táýligine barlyǵy 12 myń PTR taldaýy jasalady. Jaqynda PTR taldaýynyń qýatyn táýligine 22 myńǵa jetkizetin bolamyz», - dedi qalalyq Taýarlar men qyzmetterdiń sapasy men qaýipsizdigin baqylaý departamentiniń basshysy, Almaty bas sanıtarlyq dárigeri Jandarbek Bekshın.

Qalanyń bas sanıtarlyq dárigeri vırýstyń ekinshi tolqyny qaýpine baılanysty qaýipsizdik sharalaryn ustaný kerektigin aıtty.

«Jedel respıratorly vırýstyq ınfektsııasy kezinde óz betinshe em qabyldaýǵa bolmaıdy», - dedi ol.