Almatyda PTR anyqtama men vaktsına pasportyn qoldan jasap satqandar ustaldy
ALMATY. QazAqparat - Almatyda úsh medıtsınalyq mekemeniń qyzmetkerleri PTR nátıjesi men vaktsınatsııa tólqujatyn qoldan jasap kelgen, dep habarlaıdy QazAqparat tilshisi.
Qalalyq krımınaldyq polıtsııa basqarmasynyń málimetinshe, «Dostar Med» jáne «Suńqar» jeke medıtsına ortalyǵy men №4 emhananyń qyzmetkerleri vaktsınatsııa pasporttaryn satqany jáne vaktsınalardy zańsyz joıyp jibergeni anyqtaldy.
«Birinshi jaǵdaıda klınıkadaǵy zerthana qyzmetkeri ortalyqtyń eki meıirbıkesiniń kómegimen aqshalaı syıaqy úshin teris nátıjemen bıomaterıaldy synamasyz PTR testin uıymdastyrdy.
Biraz ýaqyttan keıin «Suńqar» medıtsınalyq ortalyǵynyń dáriger-endoksısti ustaldy, ol buryn alaıaqtyq úshin jaýapqa tartylǵan. Jeke tintý kezinde PTR test nátıjesi, sondaı-aq aqsha protsessýaldyq tártipte tárkilendi.
Sonymen qatar №4 qalalyq emhananyń aǵa meıirbıkesi ustaldy. Ol 15 myń teńge kóleminde aqshalaı syıaqy alý úshin vaktsına alǵandardy belgileý jýrnalyna jalǵan tirkeýmen aınalysqanyn moıyndady»,-dep habarlady polıtsııadan.
Atalǵan faktiler QR QK 385-baby boıynsha sotqa deıingi tergeýdiń biryńǵaı tizilimine tirkeldi.
Tergeý jalǵasyp jatyr.
